Трамп ја награди лојалноста: Адвокатката која го бранеше станува претседателски советник
Новоизбраниот американски претседател Доналд Трамп најави дека за претседателски советник ќе ја назначи Алина Хаба, адвокатка од тимот кои го бранат во случајот со обвинувањата за „тајни плаќања“ во Њујорк.
Алина Хаба (40) го бранеше Трамп во процесот спроведен на почетокот на оваа година, беше и негов правен портпарол, а од изборите престојува со него на неговиот имот Мар-а-Лаго на Флорида, пренесува АП.
„Беше непоколеблива во својата лојалност и ненадмината во решителноста. Застана покрај мене низ бројни судења, правни битки и безброј денови поминати на суд“, објави Трамп на социјалната мрежа Truth Social.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
