(ВИДЕО) Катастрофа во Лос Анџелес: Пожар го уништува градот, илјадници евакуирани

Шумски пожар беснее во богат дел на Лос Анџелес уништувајќи домови, а 30.000 луѓе се евакуирани под огромните облаци од чад, што прекриле голем дел од градот.

Изгореа најмалку 510 хектари од областа Пацифик Палисадес, меѓу Санта Моника и Малибу, соопштија властите откога веќе предупредуваа за екстремна опасност од пожар поради силните ветрови што пристигнаа по долгата суша.

Противпожарната служба во Лос Анџелес соопшти дека една жена пожарникар е тешко повредена додека гаснела пожар во Јужна Калифорнија.

„Околу 20.30 часот жена пожарникар (25) добила сериозна повреда на главата. На местото на настанот ѝ била укажана лекарска помош и е пренесена во локална болница“, напиша капетанот на противпожарната служба во Лос Анџелес, Ерик Скот, на платформата X, објави Си-ен-ен.

Тој не кажа дали пожарникарката работела на гаснење на пожарите во предградието на Лос Анџелес, Пацифик Палисадес, или во Итон во Алтадена, кои беснеат во исто време.

Сведоците пријавија голем број куќи запалени, кои за малку ќе ги изгореа и нивните автомобили додека бегаа од ридовите на кањонот Топанга додека пожарот се прошири кон Тихиот Океан.

Новинарот на Си-би-ес, Џонатан Виљоти, објави дека пожарникарите повеќе не се обидуваат да ги спасат структурите, туку само се обидуваат да го спречат ширењето на пожарот.

Scene from my driveway in Pacific Palisades just before we evacuated #palisadesfire pic.twitter.com/WSenvEiuDc

— Prop The Mic (@ProptheMic) January 7, 2025