Курдите зазедоа град во Сирија

Курдскиот сојуз поддржан од САД го зазеде источниот сириски град Деир ел Зор, соопштија денеска три сириски изворa.

Два безбедносни изворa со седиште во источна Сирија соопштија дека коалицијата, позната како Сириски демократски сили (СДФ), попладнево ја презела целосната контрола над Деир ал Зор.

Напредувањето на СДФ доаѓа додека сириските бунтовници предводени од Хајат Тахрир ал-Шам (ХТС), исламистичка група порано поврзана со Ал Каеда, напредуваат кон централниот сириски град Хомс. Бунтовниците веќе го освоија северниот град Алепо минатата недела и градот Хама на почетокот на оваа недела, нанесувајќи му ги најголемите удари на Асад во последните години.

Во исто време Јордан го затвори единствениот патнички и комерцијален граничен премин со Сирија.

Извор од сириската војска изјавил за Ројтерс дека вооружените групи пукале на граничниот премин Насиб меѓу Сирија и Јордан.

Извори известуваат дека СДФ го освоила и граничниот премин Албу Камал со Ирак. Турција ги смета курдските групи за терористи и тврди дека сириската армија го напуштила Деир ел Зор за полесно да се справи со антирежимските сили.

footage of #SDF units entering the city of Deir ez-Zor earlier today pic.twitter.com/tFvJsK7W1K

— YPG International (@YpgInt) December 6, 2024