Минов пред натпреварот со АЕК: Да бидеме пример за спортска култура

Претседателот на Ракометниот клуб „Алкалоид“ Горан Минов побара фер и спортско навивање на претстојниот финален натпревар од ЕХВ Европскиот куп кој „Алкалоид“ ќе го одигра со РК „АЕК“.

-Да навиваме со срце, да бодриме со почит и да покажеме дека вистинските навивачи се дел од фер-плејот на теренот. Ви благодариме за сета досегашна поддршка и убавите коментари за првиот одигран натпревар против РК „АЕК“. Во недела имаме пред нас уште 60 минути тежок и голем предизвик. Публиката како никогаш до сега имаме потреба да нè бодри, да навива за нас, покажувајќи респект и почит кон гостинската екипа, во духот на фер-плејот, вели Минов.

Рече дека дека треба официјалната навивачка група на клубот, „Кафетинки“ се вистински пример како се навива гласно, но од срце и со стил. .

-Со нас на трибините во недела ќе биде и нашиот најмлад навивач кој има само 2 години, а единствената официјална навивачка група на РК „Алкалоид“ „Кафетинки“ се вистински пример за тоа како е да се навива гласно, но од срце и со стил! Да бидеме пример за спортска култура кон нашиот тим, гостите и претставниците на европската куќа на ракометот, затоа што спортот не е само борба за победа, туку и празник на почитта, заедништвото и витешката игра. Да бидеме пример за спортска култура кон нашиот тим, гостите и претставниците на европската куќа на ракометот, затоа што спортот не е само борба за победа, туку и празник на почитта, заедништвото и витешката игра, вели Минов.