Македонската професорка со потресен статус: Убиени, прегазени, изгорени млади животи - Ние сме мртви души

Професорката по Македонски јазик и литература, Татјана Алексиќ, напиша потресен статус на социјалната мрежа Фејсбук.

- После сите прерано згаснати животи, убиени, прегазени, изгорени, разболени, идеолошки наседнати, погрешно лекувани, погрешно сфатени, погрешно третирани и жртвувани, не ни останува ништо друго освен систематски преглед и темелно системско лекување. Ние сме Павилјон 6 на Чехов, една запуштена душевна болница; Лет на кукавичкото гнездо на Милош Форман, ние сме Мртви души на Гогољ и Припитомување на кучката од Венко Андоновски...напиша таа. 

Професорката и претходно се огласуваше за трагедијата во Кочани во која загинаа 59 лица, како и за смртта на младата Фросина Кулакова која беше прегазена на пешачки кај Силбо на Партизанска во Скопје.