Хелен Мирен ќе го води квизот „Хари Потер“

Холивудската ѕвезда Хелен Мирен ќе биде домаќин на квиз-серијата „Harry Potter: Hogwarts Tournament of Houses“ по повод 20-годишнината на филмската сага.

Оскаровката изјави дека е пресреќна што ќе биде дел од програмата што ќе ја одбележи годишницата.

„Знаев дека некогаш ќе добијам улога во Хари Потер и многу сум задоволна што ќе учествувам во прославата на 20-годишнината на филмот“, рече Мирен.

„Филмовите инспирираа таква волшебност и чудо за многумина од нас и ќе биде вистинско уживање повторно да ја оживееме таа магија за безбројните фанови што продолжуваат да уживаат во овој магичен свет“.

Квиз-серијата првпат беше најавена во мај како дел од плановите на „Ворнермедија“ да ја одбележи годишнината од „Хари Потер и каменот на мудроста“ придружувајќи се на посебната ретроспектива. Серијата ќе има четири дела.